Nov 30, 2012

عن المبرراتية اتكلم

الشخص اللي بيبرر افعال او كلام غيره علي طول سواء بالسلب او الايجاب هو شخض معندوش شخصية, معندوش احلام و مابيحاولش يعمل حاجة في حياته. الشخص اللي بيبرر ده مش شخص و لا يعتبر انسان لانه لغي خاصية التفكير و التفكير في التبرير اللي بيبرره ماهو الا محاولة منه لتحوير افعال او اقوال الاخرين علشان يوصل للفكرة الثابتة في دماغه... و هو ان الشخص ده كويس او وحش.


كل فترة يجي تقريبا نفس الحلم. احساس بدور عليه. احساس عايزه. اصحي فرحان علشان فاكر الحلم كويس. الوقت يعدي و الحلم يبتدي يختفي تدريجيا لحد ما ابقاش فاكر منه غير المحتوي الاساسي من بعيد. افتكر في الاخر انه مجرد حلم...حلم.

Nov 29, 2012

Nationality : INTERNET

I was born in Egypt and I love it, but I don't believe in the world we are living in with all theses rules that we have to accept, the borders that were introduced by the people just to gain power and feel special. I don't believe that religion should be a way to sort humans. I don't feel that i should only care about my local community.

I belong to the internet. I belong where I see is the real world. I belong to the internet where is no borders, religion  race, or rules. I belong to the internet where I can go anywhere anytime, learn anything, and meet anyone.
I belong to the internet where I can make a difference helping others, entertain them, or just listen.

My life depends on it, and I will fight for it.

-Mohamed


FREE and OPEN INTERNET
the more you think, the more you think.

Nov 26, 2012

My first "Professional" shots

going through my Backup hd I found the folder containing all the shots I took during KCC (King Career Center) which was my introduction to the world of "professional Photography" or at least DSLR Photography. below are 4 photos of my very first shots.. in taken in Jpg format with high ISO and with no knowledge what so ever.





I do not remember her name, but I won't be surprised if she is a professional model by now. Just finding these photos made more determined to be better.

Musical Orgasm


Nov 23, 2012

Devious

I know that I am not good. Not a good Photographer. Not a good designer. My work might be crab.
I enjoy what I do no matter what. I want to be good and for that I am always trying and forcing my self to improve.
Days come and go when I feel down and want to give up. Days when I feel that nothing really matters or makes sense. I remind my self of why I do it..Why I pick up My camera, Pencil, or open Illustrator.. That is What I enjoy doing and that is what I do best even if I am not that good..its still what I do best and what I enjoy. I am doomed for that, but in the end.. We are all doomed so I don't mind doing what I enjoy in the process.


http://ma-graphics.deviantart.com/journal/Devious-339326439
لما تبقي مستني حاجة و مش عارف هي ايه..لما تبقي عايز تعمل حاجة و مش عارف هي ايه..لما يبقي جواك احساس بس مش عارف هو ايه..لما تبقي بتفكر 24 ساعة بس للاسف مش عارف بتفكر في ايه.

...

..

mont-blanc




Nov 22, 2012

apparently i have been broadcasting wrong messages...or at least confusing ones.

Nov 19, 2012

احلي حاجة كمان لو اني حققت حلم ان شاتغل مصور لـ نات جيو..هايبقي اني هاترمي في اماكن بعيدة من غير مااعرف تفاصيل عن اي حاجة بتحصل في العالم او في البلد اللي منكدة علينا دي. ما احلي الاحلام :)

مقتطفات

امتحاناتنا بتبقي في فترة شهري 12-1 و شهر 6...دايما بتبقي في مصيبة قبليهم تنكد علينا و تقلب البلد..اتعودوا بقي.

البلد حلوة زي و الفل..انتوا بس اللي مش فاهمينها.

في صحاب بيبقوا صحاب بجد مع انهم مش صحاب و في صحاب بيبقوا اي كلام و هما صحاب.

كل فترة لازم تحصل حاجة بين افراد من الجيش و الشرطة و الجيش ينزل يعلم علي الشرطة و يرجع.

محمد محمود بقي مبتذل و كل مدي بكره الشباب اللي بيضحك عليهم دول و بيستخدموهم علشان يبوظوا كل حاجة.... "الحرب خدعة" مفيش حاجة بتنفع بالقلب الابيض زيادة عن اللزوم ده.

انا اسف لو مش زي ما متوقعين.. بس هو انا كدة.

غزة..فلسطين..اسرائيل و حكايات متناقضة من هنا و هنا و الواحد بيعيد التفكير في الموضوع كله.

محدش مقدر ولا فاهم الا قليل و مفيش متعة انك تعمل حاجة مش عارف حد يشاركك فيها.

الدكتور اللي متجوز اتنين ده و بيطلع علينا اللي مرتاته بيطلعوه عليه.. ربنا يهديه و يشفيه.

الدكتور اللي كل اسبوع في بلد شكل و سايبنا احنا من غير محاضرات من غير مانفهم حاجة و في الاخر يحطلنا امتحان طويل علشان بيسرح و هو بيحط الاسئلة...انت بتركب طيارات كتير خاف الله خاف.

الكلية بالناس اللي فيها...ربنا يقربنا من بعض و يحببنا في بعض.

الناس اللي في المترو..استحموا ابوس اديكم او حاولوا تخفوا ريحتكم دي.
طب انام و اسيبني لمين؟

Nov 18, 2012

احلي حاجة ان الواحد يكون شغال بمزاج...مزاجك انك تستمتع و تعمل اللي بتحبه و طظ في كل حاجة تانية.

البيضة ولا الفرخة

كنت بتفرج علي فيلم و شفت لقطة خلتني افكر يا تري الواقع هو اللي بيأثر في الميديا ولا الميديا هي اللي بتأثر في الواقع.

غرف التعذيب او الاستجواب او غيره..يا تري هي كدة فعلا و الافلام او الميديا عامة بتنقلها زي ماهي..ولا قوة الغرف دي في الحقيقة بتيجي انهم بيعملوها زي بتاعت الافلام علشان اول ماتشوفها يوصلك التأثير كامل من كل الميديا اللي شافها الانسان في حياته... فكر بقي في كل حاجة علي نفس المنوال. 

randoms

a day can pass without my mobile ringing..no messages or anything. no emails. almost no message or chatting.


i have came to a conclusion that i share information or stuff with people who might not be interested in what i am saying nor they understand it.

I doubt y self a lot.. i doubt my actions and my choices. I doubt my way of life and thinking.

we only live once. no need to complicate things. as long as we are doing what we want. not what we have to.

maybe i am getting crazy, but who cares... no one!

Nov 17, 2012

FTW







ازاي

مطلوب مننا نعيش حياتنا عادي.. نروح مدارسنا و كلياتنا و شغلنا عادي.. مطلوب مننا نبقي متفائلين و نبقي فرحانين..مطلوب مننا نبني مطلوب مننا نحلم مطلوب مننا نبقي بني ادميين..

كل يوم خبر..كل يوم مصيبة,,كل يوم السما بتقرب من الارض و البراح بيقل. مطلوب مننا نذاكر و ننجح من غير مانشوف هدف قدامنا او حتي حلم..

نشتغل ليه و ندرس و ننجح ليه؟ نبقي كويسين او وحشين ليه؟ ماهي مش فارقة.

Nov 15, 2012

يا فلسطين

فاكر زمان لما مكنتش اعرف تاريخ ولا فاهم حاجة و كنت فاكر مشكلة فلسطين و اسرائيل كانت مشكلة جديدة..

فاكر زمان لما كنا بننزل في الفسحة في ابتدائي و نعمل مظاهرات و نتفق نعمل مظاهرة بعد المدرسة نحرق فيها العلم الاسرائيلي..

فاكر زمان لما كنا بنكره اسرائيل من غير مانبقي عارفين بنكرها ليه..فاكر ان اسرائيل كانت زي صفة وحشة.. بل اسوأ الصفات...

فاكر زمان حكايات الشباب اللي كانوا بيتمسكوا علي الحدود علشان عايزين يروحوا فلسطين يجاهدوا مع اهلها....

فاكر كل الاغاني اللي اتعملت لفلسطين..كل الافلام..كل الاخبار و المواضيع و البرامج..كل الصور و النشرات و الاعلانات في الشوارع..

و دلوقتي... تغير صور البروفيل... اعمل شير..افضح...قاطع...انشر...


اسف لكل فلسطيني كانت هويته جزء من اداة بيستخدمها الناس في محاربة بعضهم... اسف لكل فلسطيني يستنجد و مابيلاقيش حد يساعده... بس الزمن خلاكم اقويا لاننا كنا و مازلنا ضعاف مابنعملش حاجة غير الدعاء و الاستنار و الانتفاضة علي الفيس بوك بتغيير صور البروفايل و نكتب كام كلمة و بقنا كدة تمام.

فاكر و انا بقرأ رواية من قريب...فاكر ازاي كل شعورها أثر فيا...من بداية العدوان للنهاردة...تخيل انك تبقي متوقع ان كل اللي حواليك هايساعدوك..كلهم اهلك و اصحابك...و متلاقيش منهم حد... و تفضل برده تحبهم و تحطلهم مبررات علشان تبرر موقفهم.
تخيل انك في عبور اكتوبر يبقوا فرحانين و يقولوا خلاص الفرج من عند الله.. و يلاقوك برده بعيد.
تخيل انك عايش حياتك بحلوها و مرها و هما برده عايشين حلوها و مرها بس في ظروف لو اتحطيت مكانهم هاتحس انك كنت عايش في الجنة.

لما بنقول فلسطين هاترجع و فلسطين باقية.. فهي باقية بأهلها..مش بينا.
عملت اللي انت عايزه؟ لما عملته حسيت انك كنت عايزه فعلا؟ طيب لما اكتشفت كدة عزت حاجة تانية؟ بعد ما عزتها حاولت تعملها علشان في الاخر تكتشف انك مش عايزها اصلا؟ 

الفرخة ولا البيضة...

Nov 11, 2012

there is no such thing.. at least not with me. all i have is dreaming.
هو ايه اللي بيخلي حد جذاب و حد لا؟ ليه لام كل شوية يكون في حد في الدماغ؟ التفكير يروح ليه كل شوية و يخليني مقتنع ان عادي ليه ﻻ و بعديها اقول لا ده فراغ مش اكتر او مجرد قصر يد. مش مهم.... المهم اني مستمتع بالتفكير و الفكرة ذات نفسها.

Nov 9, 2012

- لا مؤاخذة - المتعة

المتعة بالنسة لي اني اعمل الحاجة اللي انا عايزها في الوقت المعين اللي انا عايزه...يعني النهاردة ممكن احس اني عايز اقرأ فااقوم اقرأ و ابقي مستمتع. بكرة ممكن مابقاش عايز اقرأ و لو قريت مش هابقي مستمتع هابقي متضايق. دي المتعة بالنسبة.. اني اعمل اللي انا عايزه وقت ما انا عايزه.

لو مكنش في متعة يبقي مفيش حاجة ليها لازمة. كله ممكن يعمل حاجة مفيدة.. بس هاتبقي مفيدة اكتر لو ممتعة بالنسبة له.

في ايام بتيجي ممكن اقعد يومين ورا بعض بتفرج علي افلام متواصل و ابقي مستمتع جدا... و بتعدي اسابيع ممكن اكون ماتفرجتش فيها علي ولا فيلم و ماببقاش عايز اتفرج.

اعملي اللي تحسي انك عايزة تعمليه وقت ماتحسي انك عايزة تعمليه و شوفي هاتحسي بايه.

Nov 5, 2012

ضايع

الناس بتكبر. و انا بكبر. الوقت بيعدي.. امبارح كان يا دوبك و بكرة خلاص. ناس بتروح و ناس بتيجي.. بنخسرهم و بنكسبهم.. بنتعلم و بنعلم..

كل يوم بيعدي مابنعملش اللي عايزينه فيه هانندم عليه اليوم اللي بعده. لو مقولتش كلمة في نفسي..ماشوفتش حد عايز اشوفه.. ماسفرتش حتة عايز اسافرها.. هاندم.

كل يوم بقول تعبان... عيان.. مش قادر.. او ماليش نفس يوم بينقص من عمري.

وقت ضايع..

Nov 2, 2012

ميدتيرم

المفروض اني ابقي بذاكر.. ميدتيرم و كدة... بس مابذكرش... معرفش حاجة عن المادة... و مش عايز اذاكر. ماليش نفس لحاجة تانية. ولا حتي مذاكرة. في جزء ناقص. حاجة كانت بتربطني بالمذاكرة لكن ماعدتش موجودة.

لو حد سأل ابقوا قلوله معموله عمل.

Nov 1, 2012

عمر خيرت

عمر خيرت.... عمر خيرت ثم ياني (Yanni) ثم ياسر عبد الرحمن. بالترتيب علي فكرة.

عمر خيرت مش الاول... و لا التاني.. و لا التالت.. عمر خيرت ده بالنسبة لي شخصية عبقرية.. مش بتخيله خالص من العالم او الوقت بتاعنا ده. عمر خيرت لو كان عايش وسط الفراعنة او الرومانيين كانوا نصبوه اله للموسيقي.

تاني مرة احضرله حفلة.. تاني مرة افضل قاعد مقشعر.. تاني مرة يتملي جوايا حب مصر و اهلها بسسب موسيقته... تاني مرة اوصل لمرحلة النشوة الموسيقية.

عمر خيرت انا بسمعه من زمان من وانا في 3 اعدادي كدة في بدايات ما ابتديت افهم موسيقي شوية... بس اللي مايحضرش حفلة ليه يبقي اكنه ولا سمعه ولا يعرفه.

عمر خيرت بيتكلم بلغة تانية مقدرش اعرف غير المصريين بيستوعبوها ازاي.. اكيد بتعجبهم و بيحسوها.. لكن عمرهم ما هايفهموها زي المصريين.
بالنسبة لي.... ببقي في حالة مقدرش اوصفها...احساسي بالضبط لما الادرينالين بينتشر في جسمي.. نفس الاحساس.. ماببقاش حاسس برجلي... جسمي كله مقشعر.. مابحسش ان في ناس حواليا... مش مهم اصلا.. مش مهم اي حاجة الا الموسيقي.. اﻻ الكلام اللي طالع من الموسيقي... الرسالة..

عمر خيرت....
UA-37864249-1