Jan 29, 2013





 One of the main facts about loneliness is that you become more attached to other people when you experience a problem or a downtime. On the other hand you may feel quite normal on your own if you had no current problems in your life and you may even enjoy your time alone, this is called the power of solitude.

Jan 28, 2013

مفرقتش

لو نازل تضرب ظابط او عسكري علشان بيدخل الدخلية علشان يتنطط علي الناس.. يبقي مفرقتش حاجة عنه.
لو نازل تسرقلك مدرسة ولا محل خمرة او تكسر كباريه.. يبقي مفرقتش عن اللي بيسرقوك و بيسرقوا عيالك و بلدك.
لو نازل تظيط و تتنطط و انت مش عارف انت عايز ايه اصلا.. يبقي مفرقتش حاجة عن الجيل اللي وصلنا لكدة.
لو نازل تستنكر و تشجن و تنادي بكام كلمة.. يبقي مفرقتش حاجة عن حكامنا العرب.
لو نازل تدور علي حد ترمي عليه المسئولية و تتهمه في اي حاجة و كل حاجة.. يبقي مفرقتش حاجة عن حكومتنا المصونة علي مر التاريخ.
لو نازل ترمي طوبة في الزحمة.. او تلمس صدر واحدة.. يبقي مفرقتش.

لو نازل تهتف باسقاط مرسي و انت مش عارف ايه الحل بعد كدة.. يبقي مفرقتش.
لو نازل تفرح بحكم محكمة علي مصريين قتلوا مصريين.. يبقي مفرقتش.
لو نازل تعادي في محافظة او مدينة او فصيل سياسي.. يبقي مفرقتش.
لو نازل علشان "تجيب حقك".. لو بتبدي مصلحتك علي مصلحة غيرك و مصلحة بلدك و ارضك و شعبك.. يبقي مفرقتش.

لو نازل علشان بتكره الاسلاميين و انهم بيتكلموا باسم الدين فلازم تطلع ميتينهم.. يبقي مفرقتش حاجة عنهم.
لو نازل فاكر ان خلافك كله مع الداخلية او العسكر و نازل تضربهم.. يبقي مفرقتش.

لو كرهت فلسطين علشان حماس بعتت مسلحيين.. يبقي مفرقتش.
لو بتكره امريكا علشان بتدور علي مصلحتها.. يبقي مفرقتش.
لو بتكره اسرائيل و بتحب عمرو موسي.. يبقي مفرقتش.
لو بتدور علي حد غيرك تكره علشان تشيله الليلة.. يبقي مفرقتش.

لو بتدافع عن الاخوان و همك عليهم و مش علي بلدك.. يبقي مفرقتش.
لو بتدافع عن الثوار و فاكرهم كلهم ملايكة.. تبقي مفرقتش.
لو بتدخل في نقاشات علشان تثبت ان اللي ماتوا في بورسعيد في الاستاد شهداء و لا لا.. يبقي مفرقتش.
لو بتغير حقايق و تغمض عينيك عنها علشان تدافع عن الثوار.. يبقي مفرقتش.
لو بتبرر عمال علي بطال للاخوان علشان فاكرهم بتوع دين و بتوع ربنا.. يبقي مفرقتش.

لو شايف مرسي بطل.. لو عايز البرادعي سوبر مان.. لو بتحب حمدين علشان واحد مننا.. لو مستني حد يبقي الفاتح العظيم.. يبقي مفرقتش.
لو فاكر ان الثورة فوضي يبقي مفرقتش.
لو فاكر الثورات سلمية يبقي مفرقتش.
لو شايف ان العدد من غير تنظيم هايجيب اي نتيجة.. يبقي مفرقتش.

لو هاتقطع طريق علشان توصل صوتك و تقول طظ في الباقي.. لو عايز تعدي في الطريق و بتقول طظ في اللي قطعوا.. يبقي مفرقتش.
لو مغيرتش نفسك و اللي حواليك قبل ما تفكر تغير النظام.. يبقي مفرقتش.
لو فاكر انك لما تقف ترمي طوبة علي عساكر امن مركزي واقفين بعيد عنك 100 متر و مسكين دروع انك كدة جامد.. يبقي مفرقتش.
لو فاكر كونك في الداخلية او في الجيش يديلك حق انك تبقي علي حق علي طول.. يبقي مفرقتش.

لو بتدور علي انتماءات صغيرة علشان تحس بنفسك و فرديتك في الوقت اللي عايزين نبقي كلنا واحد.. يبقي مفرقتش.
لو بتدور علي اي موضة تطلع بيها و تبقي "كول".. يبقي مفرقتش.
لو شايف نفسك علي طول صح و الباقي غلط.. يبقي مفرقتش.

لو مقتنع ان خالد سعيد حشاش و صايع.. او برئ و ملاك و سايب المشكلة انه اتضرب لحد الموت.. يبقي مفرقتش.
لو مقتنع ان كل اللي بينزل التحرير ثورجية و اصحاب حق.. يبقي مفرقتش.
لو شايف كل الفلول وحشين و ولاد كلب.. يبقي مفرقتش.

لو بتقول للناس تنزل و تشتمها لو منزلتش.. يبقي مفرقتش.
لو بتمنع الناس انها تنزل و تشتمهم و هما رايحين او جايين.. يبقي مفرقتش.


لو بتنزل علشان موضة.. علشان تثبت انك راجل.. علشان تحكي لصحابك.. يبقي مفرقتش.

مفرقتش..

..

Jan 22, 2013

رجل الدين المسيحي : انت ديانتك ايه؟
انا : انا مسلم و مقتنع تماما باسلامي....لكن هابقي غلطان لو قلتلك كدة من غير ما اعرف حاجة عن الديانة المسيحية.

ترتسم ابتسامة علي وجه رجل الدين و علي وجهي تباعا..

الحقيقة وراء علياء المهدي

بالرغم من احترامي للدكتور اشرف حمدي لكن احترامي ليه قل نقطة من ساعة ما اعلن انه ابتدي يعمل فيديو جديد عن علياء المهدي.

اللي هة بيعرضه في الفيديو يتنافي تماما مع فكرة الفيديو اصلا..انت بتسلط الضوء عليها اكتر.. و مجرد (من رأيي الشخصي) انك لاقيت حد تضحك عليه و تلاقي اللي يهاجمك دفاعا عنه فتزيد الاهتمام بالموضوع.

التكلم عن التيار الليبرالي اكنه ليه كارت عضوية يبقي زيه زي الاحزاب او التفكير المتشدد.. مافيش حد ليه سلطة او وساطة او يقول من ليبرالي او يميني او يساري او او او او.. كل واحد حر في نفسه و في افعاله ما لم تضر و مش من حق حد (بالنسبة لي) انه يحطه تحت مسميات.

فكرة ان كل حاجة عبارة عن مجتمع دي فكرة انا شايفها من اكتر المشاكل عندنا..اننا بنبص للمجتمع ككل و بنلغي وجود الفردية. المجتمع اللي اصلا اغلبه في الظاهر حاجة و في الباطن حاجة تانية علشان صورته قدام المجتمع.. لو فكرنا فيها بعقلانية شوية هنلاقيها دايرة مغلقة.

الفنان مش لازم يكون بيعمل حاجة مفهومة.. الفن مش لازم يعكس المجتمع اد ما هو انعكاس للفنان ذات نفسه او الشخص اللي بيعملها لاني مابحبش كلمة فنان. الهجوم علي اللي بترسمه علياء هايبقي هجوم علي ناس كتيرة بتطلع اللي جواها بطريقتها اللي تقدر عليها.. سواء بشخبطة او ورسم مش مفهوم او موسيقي ماتتسمعش.. بس هي بتخرج اللي جواها بغض النظر اللي جواها ده يتماشي مع المجتمع ولا لا. ماحدش مرغم انه يشوف اللي حد تاني بيعمله.. ماحدش مرغم انه يطلعله كارنيه انه "فنان" و كلمة فنان هاتتقال عليه من اللي فهمه او هاتتنفي من اللي مش فاهمه.. و مش معني كدة ان ده صح او ده غلط.

Art has been characterized in terms of mimesis, expression, communication of emotion, or other values. During the Romantic period, art came to be seen as "a special faculty of the human mind to be classified with religion and science".[2] Though the definition of what constitutes art is disputed[3][4][5] and has changed over time, general descriptions mention an idea of human agency[6] and creation through imaginative or technical skill.[7]

انا مش بدافع عن علياء ولا بهاجمها. اول ما رفعت صورها علي المدونة قلت ان دي حريتها و دي مدونتها و عليها تحذير انها بتحتوي علي محتوي للبالغين.. زي مدونتي هنا.. اللي يدخل يشوف مالوش حرية يهاجمني.. ليه حرية النقاش.

لو هانتكلم عن اللي بتعمله في الوقفات الاحتجاجية يبقي ده يحتمل اننا نتكلم فيه طالما هي بتتكلم بالنيابة عن ناس تانية و بتدعوا لحقوق و نتقدها و نقول اذا كان ده ينفع ولا لا و نعارضه او نرحب بيه..لكن اننا نسيب ده و نروح ندور في حياتها الشخصية.. بتشرب ايه او بتاكل ايه او بتقلع فين يبقي ده اللي غلط (بالنسبة لي)... زيها زي اي حد سياسي..نقده يبقي في مجال السياسة و تصرفاته و ارائه السياسية لكن ماليش دعوة هو بيعمل ايه في بيته او حياته الشخصية طالما مابيخالفش قانون البلد اللي هو فيه.

برده لنفس الشئ انا مش مع اني ادخل اشتم اشرف حمدي علشان اتحمق لعلياء او اتحمق لمسمي الحرية.. النقاش بس هو اللي صح.. اقول رأي في اللي عمله سواء موافق عليه او او مش موافق. و اشرف ذات نفسه لازم "يحترم" الاراء دي طالما اراء او نقاشات من غير سب او حماقية و ليه الحرية طبعا انه يرد عليها او مايردش.

مش هاكره اشرف حمدي علشان الفيديو ولا هاعمل من علياء بطلة.


Jan 19, 2013

علشان تبقي احسن - مدونة قديمة

مثال علي تجربة كنت نسيها و عطية بالصدفة فكرني. لما كنت عامل مدونة و كان هدفي الاساسي الوصول للناس و لما فشلت وقفت.


كنت ناسيها فعلا.. معرفش انا ناسي ايه كمان. بس انا قديم.. من قبل الثورة يعني :D

تعديل:

و ادي كمان واحدة معاها

Jan 18, 2013

فاكر اول مرة عديت فيها الشارع لوحدي. فاكر اول مرة جربت فيها سيجارة. فاكر اول مرة مشيت لحد ما تهت. فاكر اول مرة حبيت. فاكر اول مرة شفت صورة واحدة عريانة. فاكر اول مرة شفت فيها واحدة عريانة. فاكر اول مرة اتفرجت علي فيلم رعب لوحدي. فاكر اول مرة دخلت علي النت. فاكر اول مرة بصيت فيها في تليسكوب. فاكر اول مرة صورت. فاكر اول مرة طبقت فيها. فاكر...

فاكر اني كنت لوحدي دايما.

I turn off chat on facebook most of the times... 99% because I don't want to feel that I am ignored. its a wrong way of thinking, but i can't help it.
turning the chat off just gives me a "false" reasoning why i am ignored.. simply because i am not online to them, but the truth is more complicated, more harsh.

same thing when i ignore my mobile.. setting it on vibrate and placing it away so i can pretend that it might be ringing, but i can't hear it.

i am not haunted by it.. its just something that i think about from time to time.

Jan 17, 2013

متخليش حد يقولك لازم تعمل ايه

متخليش حد يقولك في مولد النبي لازم تشتري حلاوة المولد.. لازم تعمل سبوع... الخطوبة علي العروسة... البوتجاز علي العريس... لازم تذاكر كدة او كدة.. لازم تلبس بالطريقة دي.. في رمضان لازم تعمل الاكل ده.. لازم تتفرج علي ده..
لازم تجيب نيش و تملاه حلل و اطباق و حاجات علشان المنظرة.. لازم تجيب مجموع.. لازم تنام بدري او متأخر.. لازم ترجع بدري او لازم تروح بدري.. لازم تنزل او تقعد.. لازم تشتري او تغيير.. لازم تتكلم او تسكت.. لازم ترد او ماتردش.

لازم تقص شعرك.. لازم تطول دقنك.. لازم ترفع البنطلون.. لازم تنزله علشان الموضة.. لازم تتجوز.. لازم تخلف.. لازم تجيب.. لازم تعمل خطوبة و فرح تتمنظر بيهم علي الناس.. لازم تستقر.. لازم تبقي محترم.. لازم تبقي صايع علشان تجيب حقك.. لازم تسمع كلام الكبير و لازم ماتاخدش بكلام الصغير.. لازم الراجل يبقي بيمشي كلمته و لازم البنت تاخده علي قد عقله علشان هو الراجل و هي البنت.. لازم تعمل اللي الناس شايفاه صح.. ماتعملش اللي شايفينه غلط.. لازم اللي يفرحهم يفرحك.. و اللي يضايقهم يعيطك.

مفيش لازم... في انا.
Slut
a woman with the morals of a man.

man
a slut version of a woman.

Jan 16, 2013

signal & noise


بقول انا داخل انام و بقفل علي نفسي و بفضل صاحي. مش شرط اكون بعمل حاجة... اغلب الاوقات مابكونش بعمل حاجة مجرد متنح قدام اللاب توب او التليفيزيون... اغلب الوقت بحس اني بتعاقب و مابيكونش في حاجة لا في التليفيزيون ولا حاجة اعملها علي الكومبيوتر.

لما بصحي من النوم.. برده بفضل قاعد لوحدي.
قبل ما انام بفكر انا عملت ايه النهاردة...ولا حاجة. لما بصحي بقعد افكر هاعمل ايه...ولا حاجة. بنام ليه و بصحي ليه... من غير سبب.

بعييش كل يوم بيومه... لما بصحي ماببقاش عارف انا هعمل ايه.. بس اللي بيجي في جماغي و احس اني عايز اعمله بعمله. كل فترة بحس ان كل ده مش مهم.. انا مابعملش حاجة. 

انا بفكر اكتر ما بعمل..و ده غلط.. بس بفكر.

Jan 12, 2013


انا جزء من كل
مفصوم و مليان غل
عم بفشل بأبسط شي
اني أكون صديق

Jan 9, 2013

rain


the fresh smell of rain and the reflections off the trees leaves. the smell of wet wood. the clean look of the greens of plants. the sound of rain hitting the surfaces of leaves, wood, concrete, car tops, and the asphalt.

relaxing music.. cup of coffee.

I am the king of my world.

Jan 8, 2013

الدماغ الوسخة و السكس

الكلام التالي منقول من تشي
منقول لاني اتفق معاه تماما


بالنسبة لموضوع الدماغ الوسخة والسكس والأشياء المتعلقة به.
الذكور من حيوان الإنسان مُهندسين وراثيا إنهم يفكروا في السكس معظم الوقت. الحيوانات بتمارس الجنس عادة عشان تتكاثر، وده لا ينفي إنهم بيستمتعوا جسديا بالحركة الميكانيكية دي، وبتختلف طبعا باختلاف تطور الجهاز العصبي. الأبحاث بتقول غالبا إن الحيوانات اللي بتمارس الجنس لمجرد المتعة بعيدا عن التكاثر هما الدلافين وقردة البونوبو والإنسان.
الذكر عنده جهاز عصبي وجهاز غدد صماء مسؤولين عن الأنشطة الجنسية. الموضوع بسيط جدا.
الحواس بتاعته بتدي إشارات لمخه، شاف واحدة بتوطي أو شم ريحة بيرفيوم نسائي أو أي حاجة، الحاجات اللي بتستثير ذكر الإنسان كتير فشخ نظرا لتطور الجهاز العصبي للإنسان. 
نقطة إن حد تفكيره وسخ أو مش بيفكر في حاجة غير الجنس دي غير دقيقة، الموضوع متعلق برضه بأسلوب الحياة وبالمجتمع لأنهم بيأثروا تأثير مباشر على حواسه اللي بتوصل إشارات لمخه. هتعيش في بيئة ما ينفعش فيها ممارسة الجنس غير مع كائن واحد من الجنس الآخر، ومعظم الكائنات دي متغطية من راسها لرجليها، وفي نفس الوقت عندك مجتمع افتراضي، السينما أو الإنترنت، بتشوف فيه أجساد وجنس حر وأفلام سكس متصورة في الشارع، طبيعي جدا يحصل اضطراب في الهرمونات. المعادلة مش معقدة، إنت بتمارس الجنس بصورة شبه منتظمة أو على الأقل بشكل يوفر لجسمك ومخك الإحساس بالرضا والتخلص من التوتر الناشئ عن كتمان الرغبة الجنسية بممارسة الجنس كل فترة وفترة هتكون إنسان أكثر هدوءا واللي بيقولوا عليه تفكير وسخ مش هيكون موجود طول الوقت.
الذكر لما بيشوف صدر كبير بيستثار، ملهاش دعوة خالص بالولاء بتاعه أو أخلاقه. اللي بيفرق هو ما بعد رد الفعل ده، ما بعد الاستثارة. هتروح بيتكم تضرب عشرة أو هتنسى أو هتحاول تتكلم معاها وتتعرف عليها أو هتكون ابن متناكة وتتحرش بيها أو هتعتذر للكائن/الإله اللي انت مقتنع إنه إداك الجسم ده بكل الكيميا دي.
الأنثى برضه نفس الفكرة بس الدراسات بتشير إن هي عندها قدرة أكبر على توجيه الرغبة الجنسية دي، ممكن يكون ناشئ عن تطور الجهاز العصبي للأنثى لكونها الأضعف فسيولوجيا في الإنسان وده مساعدهاش إنها تكون الطرف الأقوى معظم الوقت في العملية الجنسية. بس خلينا نبص للجانب المشرق، لو واحدة ف مطعم وحبت تستثير واحد هتبين صدرها شوية واحتمالات إنها تنام معاه كبيرة، لو واحد حب يستثير واحدة و طلع لها بتاعه احتمالات إنها تنام معاه تقريبا صفر.

المهم، لو قلصنا مجال البحث مثلا وخليناه أجزاء من الشرق الأوسط، هتلاقي النشاط الجنسي للذكور عالي وبعض الأحيان عنيف، عشان التأثيرات المجتمعية اللي قلناها، الدين وفصول البنات ومدارس البنات وعربة السيدات وكوتة المرأة وحقوق المرأة وبقية الحاجات اللي بتحول الأنثى لكائن مختلف تماما والذكر لما بيفكر فيه بيفكر في الصدر والكس بس.
وبالنسبة للنشاط الجنسي للإناث في معظم الأحيان بيكون مكبوت وضبابي وأحيانا منعدم، بدءا من البيت اللي عادي جدا تكون فيه بنت عندها 18 سنة وماتعرفش الجنس ده إيه وبابا وماما عملوا إيه، مرورا باحتمالية إن حد ابن دين كلب من أفراد العائلة كان بيفرغ شهوته باستخدام جسمها الصغير بحاجات مش هتفهمها وهي صغيرة بس هتنطبع في مخها وعلاقتها بالجنس وبالحياة بشكل عام، وانتهاء بإن احتمالية إن هي متتعاكسش أو محدش يتحرش بيها فيي الشارع أقل بكتير من احتمالية فوز منتخب مدغشقر بكاس العالم لهوكي الجليد.

عموما، أنا شايف إن جزء كبير من المشكلة جزء بيولوجي، يعني عادي من أول ظهور حياة عالكوكب وأي كائن بيتوجد بيفشخ الكائنات الأضعف بيولوجيا أو الأقل تكيفا، وده طبعا مش تعاطف مع الإناث، التعاطف ده من أوسخ الحاجات في الكون. دي وجهة نظر علمية مجردة.

وآه، الجنس مش مجرد حركة ميكانيكية، الجنس حاجة حلوة وتجربة عظيمة بس العوامل الداخلة في كون التجربة مختلفة عوامل كتير فشخ وممكن يتكتب فيها موضوع لوحدها.

وكالعادة، فيه استثناءات لكل حاجة في الكون عشان محدش يعلق عن حالات مختلفة.

Jan 5, 2013

اللي بيعجبني في البنت

بما اني اتسألت السؤال كتير في الفترة اللي فاتت دي و ابتديت ارتب افكاري و افكر علشان اجاول فقررت اني احاول اكتبهم علشان يبقي مرجع ابص عليه لما حاجة تتغير.

الكلام هنا مش علي الشكل و لا بيبقي الغرض من السؤال لما حد يسألني من اللي حواليا السؤال علي الشكل. الشكل او الجمال حاجة نسبية بتتغير من شخص لشخص و من فترة لفترة و من بنت لبنت. في طبعا حاجات بتشدني او بحبها في الشكل بس مش ده المهم.

الكلام ده موجه برده او بيركز علي البنت اللي هابقي عايز يبقي بينا علاقة.

لازم تكون ذكية.. لازم تكون بتفكر مش مستسلمة لاي فكرة او عادات او تقاليد.. ممكن تبقي مقتنعة بحاجة انا مش مقتنع بيها بس لما تكون مقتنعة عن تفكير غير لما تكون مستسلمة.
لازم يكون ليها شخصية و شخصية قوية..العلاقة ماتبقاش ولد و بنت فالولد هو اللي يمشي كلامه عليها و تبقي ماشية وراه زي الخروف (مابنتقدش حد و كل واحد حر) لازم يبقي في مناقشة في كل حاجة و مناقشة يكون اساسها ان الطرفين - انا و هي - يبقي عندنا استعداد اننا نتناقش و ممكن اي حد فينا يقنع التاني مش مناقشة لفرض الرأي.
لازم تكون شغوفة بحاجات هي بتحبها.. شغوفة انها تجرب حاجات جديدة.. عندها احلام و عايزة تحققها و اهم حاجة تكون احلامها هي مش احلام حد تاني.. مش احلام اهلها او مجتمعها او اللي شايفاه.
مش عايزها تشوفني احسن واحد في العالم لأن ده هايخليني ابقي مغرور و ممكن يوقفني اني اكون احسن.. فكرة ان لما اتنين يحبوا بعض فالبنت تحبه علشان هو احسن واحد في الدنيا دي فكرة بالنسبة لي متخلفة.. و ده مش حب.. الحب او الاختيار اني مابقاش احسن واحد في الدنيا و هي اختارتني انا.. العكس صحيح.
مش عايز بنت اقولها تكلم مين و ماتكلمش مين. مش عايز بنت اقفل عليها و لا بنت اربيها (زي الكلب) علي طباعي و لا اني ابقي متأكد اني اول واحد في حياتها... بالعكس لو انا اول واحد في حياتها العلاقة اكيد هاتفشل او هاتبني علي اساس باطل.
مش عايز بنت يبقي طموحها البيت و الاطفال و المطبخ. ممكن اجيب مساعدة تعمل كل ده (ماعدا الاطفال طبعا) و مش هاقدر اتعايش مع كدة.
مش عايز بنت "كيوت" و مابعرفش اتعامل مع النوعية دي لا في علاقة ولا في صداقة. مش بحب شعار "السهوكة اسلوب حياة".

متحررة..شغوفة..ذكية..شخصية..مستقلة..طموحة..

..

look up.


Jan 4, 2013


beautiful shot
beautiful lighting
beautiful editing

beautiful model
beautiful body
beautiful eyes
beautiful hair
beautiful boyshorts

beautiful shot

..


source : http://akifhakannewworks.tumblr.com/

Jan 3, 2013

في اي امتحان عملي ماببقاش بذاكره من اول الترم و اجي اذاكره قبل الامتحان بوصل لنتيجة ثابتة دائما... يا انا فاهم كل حاجة... يا انا حمار. اسوأ احساس لما ماتكونش عارف انت مين فيهم.... نفس الاحساس بيبقي موجود بعض ما اخلص الامتحان في المادة... يا حالل كل حاجة صح... يا كل حاجة غلط بمعني يا الامتحان حلو يا انا اللي حمار.... غالبا ببقي انا اللي حمار (مع الاعتذار للحمار طبعا)

Jan 2, 2013

ubuntu for phones

this is why i like ubuntu and the open source community. they are doing something new and they are inviting everyone to participate. users, designers, developers, partners, and service providers. this is what free means to me. this is why i will always love and appreciate the open source community.



Jan 1, 2013


عدي وقت.. بس مانستش. لسة حاسس بالذنب. انا عارف اني خدت القرار الصح في وقتها. بس زعلان اني أذيت حد بطريقة بشعة...


bosy ya xxxxxx... ana msh 3arf eh elly 7asl bs m3rfsh leh ana a3dt afkr keda w leh weslt l keda.
tab3an mafish elly hwa ana msh mohtam w enk msh mohma w kol el kalam dh 5als bs bgd ana ma3rfsh eh elly 7asl bgd.
elly fakrt feh fakrt feh 3lshank w 3lshany ana 3arf eny momkn ab2a 3'alt bs dh elly shaifo a7sn 7al lena e7na el etnin. ana 3aiz 7agat mo3ina mnk w el 7agat de mohma bel nesbaly w f nfs el wa2t enty msh 2adra t3mliha w msh hat3rfy te3mliha 7ata 2odam w baba w mama 3andk 3omrhom ma haitkblo enna neb2a m3 b3d keda aw enna net2abl aw eno teb2a fe ay 7aga 3'er lw sam7olna hai2olk kalmeh maslan f el telephone 3ady maslan w ana dh bel nesbaly sa3b w enty mafish f edeky 7aga te3mliha enty 3amlty kol elly t2dry 3alih. w lama fakrt f mawdo3 el most2bl w el sho3'l w el safr fa bardo ana 2odamy kaza tare2 mn delw2ty w m3rfsh ana 3aiz anhy 7aga fehom la2nhom kolohm tor2 mo5tlfa lel wosol l nfs el hdf w msh bs ana 3aiz eh hya elly btt7ddhom bs bardo el zrof w el donia 3amtn hya elly sa3at btgbr el wa7d eno ye5tar dh aw dh fa ana m2drsh a2olk mn delw2ty ana ha3ml kaza w yeb2a dh hwa elly ana ha3mlo w msh hit3'er w ana 7aset mnk keda enk shaifa en dh m3nah en ana msh 3arf ana 3aiz eh w en kalamhom s7 w yemkn dh s7 bs ana bel nesbaly en lesa fe 7agat keter bt7dd f el e5tiar dh w ana fe3lan lesa m3rfsh la2ny m3rfsh kol 7aga w yemkn kol elly ana b7lm beh dh ala2y 7aga tania a7sn mnoh hata5od wa2t aw lazm asafr aw 3'ero w 3amtn fakry feha bardo enny momkn atl3 ab2a fashl ma7dsh bardo 3arf w mafish 7aga madmona w ana 3arf eny aslan lw makontsh kois aw mafish most2bl 2odamy awy makontish hatfkry aslan fya mn el awl w dh tab3an 7a2k zyada en baba w mama 3omrhom sa3t-ha ma haiwf2o 3ala ay 7aga.
lama a3dt afkr f el kalam dh la2et eny fe3lan harbotk bya w ana msh wask ana ha3ml eh w msh wask eny ha3rf akml keda en tefdl 3elakty beky telephonat w chat w mo2abla kol sana lama el zerof teb2a mwaf2a w tela2y 7aga te3mliha w b3den net2abl 3lshan mated7kish 3alihom lw sa2aloky. w dh msh estslam mny wala eny msh ha3rf ast7mlk wala nest7ml b3d w el kalam dh bs fe3lan ana msh ha2dr 3ala keda la2n e7na keda bnrobt b3d aktr w bntsla w mabn3mlsh ay 7aga m3 b3d... ana 7awlt w sebrt 3ala el mawdo3 dh w kont ba2ol l nfsy en fatra w hat3dy w lama te3rfiny aktr haib2a 3ady w 2olt sa3t-ha enna f derasa w msh handi3 wa2t b3d aw msh hadi3lk wa2tk w ne5rog aw net2abl w 2olt el seif gy w el seif sa3t ma 5argna f ramadan kont bgd mabsot w 2olt 5las haib2a 3ady m3aky b3d keda aw 3ala el a2l hat7wly kol shewaya bs la2et bardo enk mafish 5als mn el na7ya de w elly hwa hatb2y btshofy 7ad fa teshofiny 2bleh 3lshan yeb2a el asl enk konty m3 sa7btek w 7ata lama 2oltlk msh hainf3 3llshan 3aizen netklm 2oltily sa3t-ha mashy 5las bs asl msh 3arfa b2a hib2a sa3b ashofk b3d keda aw elly hwa mafish forsa tanya. enty shaifa en el mawdo3 dh 3ady bs hwa msh 3ady bel nesbaly w enty shaifa en el etnin elly bi7bo b3d ye5rgo w ye3mlo kol 7aga sawa w yeb2a baba w mama 3arfen msh 3ady w 7aga 3'areba w ana belnesbaly dh 3ady w bi7sl w bashofo 2odamy w kont b3mlo 2bl ma netklm 3ady b seft el so7ab kman sawa2 kan 3andy f el gam3a aw 2bl keda m3 elly kano mesafren m3aya....
ana shaif enna hanfdl nelf f nfs el no2ta w nfs el moshkla w hwa mafish 7al w msh haib2a fe w f el a5r hanb2a et3l2na bb3d aktr w e7na 3aishen f mashakl aw medai2en mn 7agat.
lw han3ml zy ma baba w mama 3andk 3aizen yeb2a fe3lan leh nerbot b3dna bb3d delw2ty w yeb2a lama ab2a gahz w sha3'al w kol el 7agat de agy at2dm 3ady la2n elly e7na feh dh sa3b 3alya w 3aliky w ana shaif eny 3aiz 7agat aw badwr 3ala 7agat mo3ina w enty 3aiza terdiny bs msh 3arfa w ana msh 3aiz eny ab2a b3ml keda aw en f youm mn el ayam te3mly 7aga 3lshan terdiny bs w enty msh moktn3a aw msh 3aiza aw tendmy 3aliha b3d keda.

2013

سنة عدت. و سنة جديدة بدأت. 

السنة اللي فاتت كانت سنة كويسة بالنسبة لي.. خصوصا الشهور الاخيرة فيها. ماتمناش غير ان السنة دي تبقي زيها او احلي منها.


كل سنة و انتم طيبين.
UA-37864249-1