Feb 24, 2013

خواطر

  • الاخوان بيخططوا لمصيبة اليومين اللي الجايين و هايلبسوها في الفلول و المؤامرات.
  • الجيش بيفكر ينزل بس مش لاقي طريقة شيك ينزل بيها.
  • الاخوان بيستعينوا بمليشيات مصرية و غير مصرية دليل علي ضعفهم و خوفهم و غبائهم...كالعادة.
  • الجيش لو نزل و حصل انقلاب... الثورجية هايعملوا ايه؟ انا و اخويا علي ابن عمي و انا و ابن عمي علي الغريب؟ ولا هانقضيها اعتصامات و هتافات و مليونيات من غير اهداف محددة او واحد يتكلم بلسان الكل؟
  • في حالة الصدام القادم ﻻ محال سواء جيش و شعب و اخوان و متأسلمين او حتي بخروج الجيش من الصورة... الدم ده كله مين مسئول عنه؟
  • في حالة نزول الجيش... الشرطة و الداخلية هاتساند مين؟
  • الاخوان هايعملوا ايه؟ هايستخبوا زي ما كانوا مستخبين و لا هاينفجروا الانفجار الاخير؟
  • بغض النظر عن اي حاجة هاتحصل اذا حصلت.... الشعب ابن المرة ده هايتثقف امت؟



في النهاية...كله خير.... او شر.. المهم انه هايجي هايجي.

last kiss



Last Kiss by Adam Martinakis

المتأسلمين و السكس

انا بني ادم طبيعي ﻻ متدين اوي و لا صايع و عربيد. بتفرج علي بورن و بتعجبني بنات الخ الخ الخ..

عندي كذا صاحب من اللي بيدافعوا عن اي حاجة فيها كلمة اسلام.. مرسي, اخوان, سلفيين, ابو اسماعيل, شريعة... الي اخره.. فيهم اللي ابوه عامل فيها شيخ وفيهم اللي ابوه امير امراء الجماعات الاسلامية و ما بينهم.

الناس دي اكتر ناس بتقلل من البنات.. اكتر ناس بيتكلموا عنهم بطريقة جنسية ﻻ تتعدي نظرتهم ليهم غير ان البنات مجرد وسيلة لتفريغ شهوة... الناس اللي بتدافع عن المتأسلمين.. اللي بيقولولك شريعة و دين و اسلام... بيفكروا في كدة... او علي الاقل ابوهم و عيلتهم ماعرفوش يربوهم ولا يفرضوا عليهم الصح و الغلط... و جايين يفرضوه علينا.
الناس دي بتشرب حشيش عادي و بعد ما يفوقوا يدافعوا عن ابو صلاح البطل المغوار.
الناس دي بتكدب علي اهلها علشان يسهروا او يتأخروا او ياخدوا العربية من وراهم... و بيتكلموا عن الدين و الاسلام و بيدافعوا عن الشيوخ المعرصة زيهم.




الناس دي انا بحتقرها اكتر من اللي ممكن يبقي شايفني كافر و علماني و ضايع لكن هو فعلا بيحاول يبقي محترم. لكن اللي يدافع عن حاجة و هو بيعمل حاجة غيرها هو حيوان ناطق معرص.


متوعك للغاية

Feb 20, 2013

Linux, Ubuntu, Distros - The Story

كنت ناوي اكتب الموضوع ده من زمان بس كنت بكسل او بنسي.. لكن اتسألت اكتر من مرة و حبيت اني اكتبه بقي. الموضوع اكيد منتشر علي الانترنت و في كتب كتير لكن حبيت اكتبه بطريقتي.

ايه لينكس ده؟ و ايه ابونتو؟ طيب لينكس هو ابونتو لا ده حاجة و دي حاجة؟

الموضوع سهل.. لكن محتاج الاول نفهم ايه هو نظام التشغيل... نظام التشغيل عبارة عن برنامج في اساسه هو مجرد وسيلة علشان الهاردوير او مكونات اجهزة الكومبيوتر تتواصل مع بعضها و تقوم باللي هي معمولة علشان تقوم بيه سواء الصوت, الصورة, المعالجة, الخ. بجانب البرنامج ده بيبقي في برامج تانية ليها وظيفة تانية اللي بتبقي عبارة عن السوفتوير اللي بنستخدمها او بنلعبها زي المتصفحات او سوليتير مثلا.

طيب يعني اللي هو زي ايه؟ في العادة الاغلبية عارفين الوندوز و عارفين الماك او نظام شركة أبل و اكيد بنسمع لينكس من وقت لاخر. في كتير....اي حاجة بنستخدمها غالبا فيها نظام تشغيل.. كومبيوتر, تليفيزيون, ماكينات صرف النقود او الATM و غيرهم كتير... اغلبهم بيبقي نظام التشغيل لينكس لانه مجاني.. مش مجاني بس انه ببلاش لكن ممكن اي حد يعدل او يغير فيه و يعيد توزيعه من غير ماحد يقوله بتعمل ايه و علشان طريقة برمجته و لغته كان من السهل انه يتعدل علشان ينزل او يشغل اي حاجة.


البداية ابتدت ان كان فيه حاجة اسمها Unix.. نظام تشغيل برده بس كانت معمول لشركة AT&T و بعد ما وصل انه بقي حاجة محترمة اتعمله ترخيص و بقي مش من حق اي حد انه يستخدمه.
حاجات كتير حصلت في النص....
و بعدين واحد في الجمعة قرر انه هايعمل حاجة شبه الUnix كدة علشان يلعب و علشان الدراسة... فابتدي لينوس تورفالدس Linus Torvalds ..نشر اللي هو بيعمله علي الانترنت علشان اللي مهتم زيه يلعب برده.. لكن الموضوع كبر بانه لينكس بقت من اكبر انطمة التشغيل.

بعديها ابتدت تطلع توزيعات distributions يعني بياخدو النواة او الاساس و اللي هو لينكس اللي بيشغل الكومبيوتر و الكروت و كل حاجة ليها علاقة بالهاردوير و ينزلوا معاها البرامج اللي في الاخر بتعمل شكل التوزيعة بشكلها النهائي. البرامج دي برده مجانية و مفتوحة المصدر يعني اي حد ممكن يعدل فيها و يطورها و يعيد توزيعها و ده اللي بيحصل في التوزيعات لما بتختار برنامج مثلا معين زي برنامج لتشغيل الميديا.. لو التوزيعة كبيرة او حتي صغيرة بيبقي في مطورين مهتمين انهم يطوروا البرنامج بشكل اكبر.

التوزيعة بيتغير فيها حاجات كتير من توزيعة للتانية لكن الاساس واحد و هو لينكس. كل توزيعة بيبقي ليها مطورين في الغالبية العظمي بيعملوا اللي بيعملوه من غير مقابل لان اغلب التوزيعات مجانية و مفتوح المصدر و ممكن اي حد ينزلها بشكل قانوني و ينسخها و يوزعها علي اصحابه او حتي الناس في الشارع بشكل قانوني.
مفيش توزيعة احسن من الكل.. كل حاجة ليها مميزاتها و عيوبها و في النهاية اللينكس اصلا معمولة علشان كل واحد غير التاني. كل توزيعة معمولة لهدف معين و بالتالي البرامج اللي بتنزل معاها بتبقي موجهة للهدف ده.

من امثلة التوزيعات دي
Ubuntu
Fedora
Mint
RedHat
OpenSuse
Arch Linux

و في غيرهم بالالاف.

يعني ابونتو توزيعة مبنية علي اللينكس و زي ما قولنا :-
 Linux distributions include the Linux kernel, supporting utilities and libraries and usually a large amount of application software to fulfill the distribution's intended use.

طيب ليه ابونتو مشهورة؟ علشان ابونتو من اول ما طلعت و هي موجهة للمستخدم العادي فبتحاول انها تكون غير معقدة علشان الكل يعرف يستخدمها من اول اللي مش فاهم في الكومبيوتر اصلا و عايز بس يعمل حاجات اساسية لحد مثلا المبرمجين. اول ما طلعت كانت بتعمل اكتر من توزيعة من نفسها او بتدعم اكثر من توزيعة من نفسها ببيئة مختلفة (بيئة رسومية) زي KDE  و Gnome و غيرهم و لحد دلوقتي اي حد ممكن يغير في اي حاجة من اي حتة لاي حتة.
ابونتو مدعومة بشركة كبيرة صاحبها ملياردير بالتالي في دعم وراها غير التبرعات و المساعدة اللي بتطلع من المجتمع ذات نفسه في تطويرها.

ابونتو بتنزل نسخة كل 6 شهور في شهر 4 و شهر 10 و في نسخ بتبقي مدعومة لوقت اطول و مستقرة اكتر اسمها LTS و باقي النسخ بتبقي زي مراحل للتطوير.

ابونتو مؤخرا كشفت عن انها هاتنزل نظام تشغيل للموبايلات و كشفت امبارح عن اخر للاجهزة اللوحية او التابلتس... الفكرة ان النظام واحد مع اختلاف التحكم فيه علشان يناسب الاجهزة المختلفة دي.



لو قعدت اتكلم لحد مااموت مش هاعرف اشرح كل حاجة لا بالتفصيل ولا حتي سريعا. انا كتبت لمحة بسيطة وهاكتب تحت اماكن تانية لو حد مهتم ممكن يقرأ اكتر.




http://distrowatch.com/ Distro Watch (news about the distros)
http://www.osalt.com/ Os Alt (Find open source software alternatives to well-known commercial software)


http://en.wikipedia.org/wiki/Desktop_environment Desktop Environment (بيئة رسومية)

http://mohamedation.blogspot.com/2012/03/open-source.html بدايتي مع المصادر المفتوحة.


Feb 19, 2013

Feb 14, 2013

Europe, Motorcycle, Hostels, Food, Beaches, Music, Dancing, Cultures, Languages, Architecture, Art.

Feb 6, 2013

will I?

what if i had only one day to live? one month? six? one year? what would change? would I start praying? or will I emerge my self in the pleasures of life?

will I still go to college? study? or will I just do nothing?
will I tell my parents? my friends? my family?.. will I show any signs? or will I carry on my life as normal?

will I cry? will I laugh again? will I pick up my camera and look through the view finder once more? will I keep on liking pictures on facebook? or will I deactivate my account?

will I care about what is happening in Egypt? or in the world? will I have any hope?

..


UA-37864249-1